Estamos na Ribeira Sacra, na banda de
Ourense, perto de Parada do Sil,nunha antiga casa reitoral. Temos alguns
animais, facemos agricultura ecolóxica, e dispoñemos de tres
cuartos dobres con baño onde te podes aloxar.
A casa é unha antiga Reitoral, construida en pedra e
madeira de castiñeiro e restaurada con respecto pero buscando a
máxima comodidade.Na restauración tivéronse en conta
criterios de bioconstrucción para os materiais aillantes, vernizes e
pinturas, e está amoblada con mobles antigos restaurados.
Non te gustará se adoras o luxo ou eres adicta/o ao
suave tacto do plástico. En calquera outro caso, proba unha
tardiña á sombra do corredor ou espertar de mañá
cedo escoitando o bulir diario dos animais (Claro, temos galo, e non entende de
horarios de domingos ou festivos...)
Dispoñemos de tres cuartos para hóspedes, e no
mesmo inmoble pero separada está a nosa vivenda (que ocupamos durante
todo o ano). Todos eles teñen camas de 1,35 e en dous deles tedes
posibilidade de instalar unha ou duas camas supletorias. Por suposto, a casa
dispón de calefacción.
Esta pequena dimensión permítenos coidar ao
máximo cada detalle e, sobre todo, fai posible que podamos ofrecervos no
comedor productos biolóxicos e artesáns, un nivel de calidade que
non poderiamos manter a gran escala.
Pódese xantar e cear na casa. A cociña
baséase nas materias primas que se cultivan na finca: se vos gusta a
comida vexetariana podedes disfrutar o sabor dos productos biolóxicos
frescos, e para os non vexetarianos temos estupendas carnes biolóxicas
de año e terneira, acompañadas polo pan e o viño
biolóxicos que facemos tamén aquí
Disfrutamos facendo o noso traballo. Vós
disfrutaredes co resultado
|
